Home News jc-diwakar-reddy-fire-on-over-ap-special-status

jc-diwakar-reddy-fire-on-over-ap-special-status

65
SHARE


ప్రధానమంత్రి నరేంద్రమోదీకి ఎందుకో అకారణమైన కోపం తమపై ఉందని టీడీపీ ఎంపీ జేసీ దివాకర్ రెడ్డి అన్నారు.అధికార పార్టీ, ప్రతిపక్షం అనిలేదు ఈయన ఏపార్టీలో ఉన్నా సంచలన కాంమెంట్స్ చేస్తూ ఎప్పుడూ వార్తల్లో నిలుస్తూనే ఉంటాడు. అవతలి వ్యక్తి ఏ స్థాయిలో ఉన్నా అతనికి అనవసం చెప్పాలనుకున్నది చెప్పానా లేదా అన్నదే అతని పాయింట్. తన మనసులోని మాటను ఉన్నది ఉన్నట్లు చెప్పడంలోనూ, ఎదుటివారిపై విమర్శలు చేయడంలోనూ టీడీపీ ఎంపీ జేసీ దివాకర్ రెడ్డి స్టయిలే వేరు. తాజాగా ప్రత్యేక హోదా విషయంలో ఏపీపై కేంద్ర ప్రభుత్వ తీరును తొలి నుండీ ప్రశ్నిస్తూ వస్తున్న జేసీ.. ఏకంగా ప్రధాని మోదీపైనే షాకింగ్ కామెంట్స్ చేశారు.

 
ఏపీ ప్రజలపైన, ఆ రాష్ట్ర ముఖ్యమంత్రి చంద్రబాబుపైన కేంద్రానికి మంచి ఉద్దేశం లేదని అందుకే హోదా విషయంలో వెనకడుగు వేస్తుందన్నారు. ప్రధాని మోడీకి చంద్రబాబు అంటే కోపం, ద్వేషం, అసూయ, ఈర్ష్యలు ఉన్నాయని అందువల్లే విభజన హామీలు నెరవేర్చడం లేదన్నారు. దేశ రాజకీయాలను శాసించే సత్తా చంద్రబాబుకు ఉండటంతో భవిష్యత్తులో ప్రధాని పదవికి ఆయన పోటీ అవుతాడనే ఉద్దేశంతోనే మోదీ..చంద్రబాబుపై కోపం పెంచుకున్నారని సంచలన కామెంట్ చేశారు.
రాష్ట్రానికి ఇవ్వాల్సిన నిధులు ఇచ్చి తీరాల్సిందే అంటూ.. సహనానికి కూడా ఓ హద్దు ఉంటుందన్నారు. తమ పార్టీకి చెందిన కేంద్ర మంత్రులు రాజీనామాలు ఏ క్షణమైనా జరగొచ్చని జేసీ దివాకర్ రెడ్డి ఓ ప్రశ్నకు సమాధానమిచ్చారు. ఇక కాంగ్రెస్ అధ్యక్షుడు రాహుల్ గాంధీపైన నిప్పులు చెరిగారు జేసీ. 2019లో జరిగే సార్వత్రిక ఎన్నికల్లో తమ పార్టీ అధికారంలోకి వస్తే ఆంధ్రప్రదేశ్ రాష్ట్రానికి ప్రత్యేక హోదా ఇస్తామంటూ రాహుల్ అంటున్నారని.. ఇపుడు నీ మాటలు నమ్మే నాకొడుకు ఎవరయ్యా అంటూ జేసీ దివాకర్ రెడ్డి ఆగ్రహం వ్యక్తం చేశారు. ఆ రోజు మీరు పార్లమెంట్ తలుపులు మూసి చేసిన పనికి దక్కిన ఫలితమే ఇది. మీ అమ్మ సోనియా, నీవు కలిసి మమ్మల్ని నిలువునా ముంచారు. కట్టుబట్టలతో నడి రోడ్డుపైకి తెచ్చారంటూ మండిపడ్డారు జేసీ దివాకర్ రెడ్డి.

LEAVE A REPLY

Please enter your comment!
Please enter your name here